محکمہ موسمیات نےرمضان کا پہلا پوراعشرہ ٹھنڈا گزرنےکی پیشگوئی کردی

روزہ داروں کیلئے اچھی خبرآگئی،محکمہ موسمیات نے مزید بارشوں کی پیشگوئی کردی۔

ملک کےمختلف علاقوں میں بادلوں کے ڈیرے،اسلام آباد میں سحری کے وقت سے بارش کا سلسلہ جاری ہے۔محکمہ موسمیات نے رمضان کا پہلا پوراعشرہ ٹھنڈا گزرنےکی پیش گوئی کردی ہے۔

محکمہ موسمیات کےمطابق بارش کا سلسلہ مزید 2 دن تک جاری رہے گا، اسلام آباد کے علاقے سید پورمیں 9،گولڑہ میں 7 ملی میٹر بارش ریکارڈ ہوئی۔راولپنڈی میں چکلالہ 8، کچہری 6 اورشمس آباد میں 5ملی میٹر بارش ہوئی۔

محکمہ موسمیات کےمطابق اسلام آباد میں کم سے کم درجہ حرارت 6 ڈگری ہوگیا۔ پشاور،مردان، دیر،مالم جبہ، بنوں، سید شریف،باجوڑ میں بھی بارش ہوئی۔

اس کےعلاوہ گوادر،پسنی ،کوئٹہ ،چمن اوردیگرعلاقوں میں بھی بارش سے موسم خوشگوارہوگیا۔سرگودھا،اٹک،راولپنڈی،مری،جہلم، ڈی جی خان،منڈی بہاوالدین میں بارش سے موسم سہانا ہوگیا۔

مظفر آباد،باغ اورپونچھ ڈویژن میں بھی باران رحمت سےموسم خوشگوار ہوگیا۔