اسرائیل کا حلب کے ایئر پورٹ پر فضائی حملہ،جزوی نقصان پہنچا

اسرائیل نے ایک بار پھر فضائی حملے میں شام کے حلب ایئرپورٹ کو نشانہ بنایا ہے، جس سے ہوائی اڈے کو جزوی نقصان پہنچا ہے۔

العربییہ نیوز کی رپورٹ کے مطابق شام کی وزارت دفاع کی جانب سے فیس بک پر جاری ایک بیان میں بتایا گیا کہ حلب کے ہوائی اڈے پر چھ مہینوں میں اسرائیل کا یہ تیسرا حملہ ہے۔

شامی وزارت دفاع کے مطابق اسرائیل نے صبح 3:55 بجے ساحلی شہر لطاکیہ کے مغرب میں بحیرہ روم سے کئی میزائل داغے۔

خیال اسرائیل برسوں سے شام میں ایران کے حمایت یافتہ اہداف کے خلاف حملے کر رہا ہے، جہاں 2011 میں شروع ہونے والی خانہ جنگی میں صدر بشار الاسد کی حمایت کے بعد سے ایران کا اثر و رسوخ بڑھ گیا ہے۔