رمضان میں سب سے طویل اور مختصر ترین روزہ کہاں ہو گا؟

رمضان کی آمد آمد ہے، دنیا بھر کے 1.9 بلین سے زائد مسلمان ماہ صیام میں کی تیاریوں میں مصروف ہیں، دنیا بھر میں روزے کے اوقات دس سے 18 گھنٹے تک ہوں گے۔ روزے کے اوقات میں فرق بنیادی طور پر زمین کے جھکاؤ اور سورج کی پوزیشن سے دن اور رات کی لمبائی میں فرق پڑنے کی وجہ سے ہوتا ہے۔

عرب میڈیا میں شائع ہونے والی خبر کے مطابق دنیا کے چند ملک میں روزے کی مدت 20 گھنٹے سے زیادہ ہو سکتی ہے جبکہ کچھ علاقوں بشمول گرین لینڈ اور الاسکا میں، جہاں سورج کبھی غروب نہیں ہوتا، علماء سعودی عرب میں مکہ کے اوقات کی پیروی کرنے کی سفارش کرتے ہیں۔ روزے کے اوسط اوقات عام طور پر 14 سے 15 گھنٹے کے درمیان ہوتے ہیں۔ سعودی عرب، متحدہ عرب امارات (یو اے ای) اور قطر میں مسلمان مقدس مہینے میں 14 گھنٹے تک روزہ رکھیں گے۔

ذیل کی فہرست میں جانیے کہ اس سال مسلمان کس ملک میں سب سے طویل اور کس ملک میں کم سے کم دورانیے کا روزہ رکھیں گے۔ طویل ترین روزہ کس ملک میں ہوگا؟

1. نوک، گرین لینڈ: 18 گھنٹے

2. ریکجاوک، آئس لینڈ: 18 گھنٹے

3. ہیلسنکی، فن لینڈ: 17 گھنٹے

4. گلاسگو، سکاٹ لینڈ: 17 گھنٹے

5. اوٹاوا، کینیڈا: 17 گھنٹے

6. لندن، برطانیہ: 16-17 گھنٹے

7. پیرس، فرانس: 16-17 گھنٹے

8. زیورخ، سوئٹزرلینڈ: 15 گھنٹے

9. روم، اٹلی: 15 گھنٹے

10. میڈرڈ، سپین: 15 گھنٹے

رمضان المبارک میں مختصر دورانیے کا روزہ کس ملک میں ہوگا؟

1. کرائسٹ چرچ، نیوزی لینڈ: 12 گھنٹے

2. پورٹو مونٹ، چلی: 12 گھنٹے

3. بیونس آئرس، ارجنٹائن: 12 گھنٹے

4. جکارتہ، انڈونیشیا: 13 گھنٹے

5. نیروبی، کینیا: 13 گھنٹے

6. کراچی، پاکستان: 13-14 گھنٹے

7. نئی دہلی، بھارت: 13-14 گھنٹے