زلمے خلیل زاد نےپی ٹی آئی پرپابندی لگنےکااشارہ دیدیا

آئندہ چند روزمیں تحریک انصاف(PTI) پرپابندی لگ سکتی ہے،امریکا کے سابق سفیرزلمےخلیل زاد (Zalmay khalilzad)کا بڑابیان سامنےآگیا۔

سابق امریکی سفیرزلمے خلیل زاد نےسماجی رابطے کی ویب سائٹ ٹوئٹرپراپنے بیان میں کہا کہ آنے والے دنوں میں پی ٹی آئی پرپابندی لگنے والی ہے،ایسے اشارے مل رہے ہیں کہ پارلیمنٹ سپریم کورٹ سے عمران خان کو نا اہل قرار دلوانے کا مطالبہ کرےگی۔

عمران خان کی گرفتاری سے پاکستان کا سیاسی بحران مزید گہرا ہوگا، زلمے خلیل زاد

زلمےخلیل زاد نےٹویٹ میں مزید کہا ،آئی ایم ایف کی حمایت تاحال مشکوک ہے۔ اگرحکمران اتحاد نےکوئی ایسے اقدامات کیےتوپاکستان کیلئےعالمی تعاون کم ہو جائےگا۔

سابق امریکی سفیر نےسیاسی تقسیم اورتشدد بڑھنے کابھی خدشہ ظاہر کیا ہے۔انہوں نےامید ظاہر کی ہےکہ پاکستانی سیاسی رہنما قومی مفاد کو نقصان پہچانے والی تباہ کن سیاست سے آگے کا سوچیں گے۔اگرایسا نہیں ہوتا تو مجھے امید ہے سپریم کورٹ ایسے کھیل میں استعمال ہونے سےانکار کردےگی۔

زلمے خلیل زاد نے مزید کہا کہ پاکستان کےبارے میں میری تشویش بڑھتی جارہی ہے۔