تحریک انصاف کو مینار پاکستان پر جلسہ کرنے کی اجازت مل گئی

پاکستان تحریک انصاف کو 26 مارچ کو مینار پاکستان پر جلسہ کرنے کی اجازت مل گئی۔ ڈپٹی کمشنر لاہور رافعہ حیدر نے باقاعدہ اجازت نامے کا نوٹیفکیشن جاری کر دیا۔

اعلامیے کے مطابق تحریک انصاف کو حلف لینے کے بعد اجازت دی گئی، جلسہ انتظامیہ سٹیج، خواتین اور تمام انکلوژز کی سیکورٹی کی ذمہ دارہوگی، جلسہ انتظامیہ تمام متعلقہ علاقہ میں بلا تعطل بجلی فراہمی یقینی بنائے گی۔

نوٹیفکیشن میں مزید کہا گیا ہے کہ سیکیورٹی کوبہتربنانےکےلئے جلسہ انتظامیہ سیکیورٹی اورضلعی انتظامیہ کیساتھ تعاون کرے گی، ٹریفک کورواں دواں رکھنےکیلئے پی ٹی آئی ذمہ داران مکمل تعاون کریں گے۔

حکام کے مطابق جلسہ کے دوران پبلک پراپرٹی کو نقصان پہنچنے کی صورت میں پی ٹی آئی انتظامیہ ذمہ دار ہوگی، عدلیہ اوراداروں کے خلاف تقاریر کی اجازت نہیں ہوگی، جلسہ میں کارکن ڈنڈے یا اس سے متعلقہ کوئی چیز ساتھ نہیں لاسکیں گے۔

پی ٹی آئی کی مالی معاونت کرنے والے افراد کیخلاف کارروائی کا فیصلہ

اعلامیے کے مطابق ساؤنڈ سسٹم کے استعمال سے متعلق متعلقہ قانون کی پاسداری کی جائےگی، کسی بھی کارروباری مراکز کو بند کرنے اور نقصان پہنچانے کی اجازت ہرگزنہ ہوگی۔

اجازت نامے میں مزید کہا گیا ہے کہ جلسہ کیلئےکسی بھی جگہ کوئی استقبالیہ کیمپ نہیں لگائےجائیں گے، جلسہ گاہ اوراطراف میں کسی بھی قسم کے اسلحہ کی نمائش کی اجازت نہیں ہو گی۔ جلسہ میں شامل افراد کےلیے مناسب پارکنگ کا انتظام کیا جائے گا۔