زمان پارک میں دہشت گرد موجود ہیں،نگراں وزیراعلیٰ پنجاب محسن نقوی

نگراں وزیراعلیٰ پنجاب محسن نقوی کا کہنا ہے کہ عمران خان کی رہائشگاہ زمان پارک میں دہشت گرد موجود ہیں۔ آئی جی سے کہا پی ٹی آئی کو ایک ڈیڈ لائن دے دیں۔

لاہور میں پریس کانفرنس کے دوران محسن نقوی کا کہنا تھا کہ آئی جی سے کہا کہ آپ کو کھلی چھٹی ہے، اب ایسا جواب دیں گے کہ یاد رکھیں گے، کوئی ہاتھ بڑھائے گا تو ہاتھ توڑیں گے۔

زمان پارک میں قانون ہاتھ میں لینے والوں کے خلاف گھیرا تنگ

محسن نقوی کا کہنا تھا کہ پی ٹی آئی رہنماؤں نے پولیس کی گاڑی کو توڑا، پولیس اہلکاروں کوروک کراسلحہ چھینا گیا، کوئی سیاسی ورکراس طرح کی حرکت نہیں کرتا۔ زمان پارک میں پنجاب کےباہرسے لوگ آئے ہوئے ہیں، حکومتی ہرصورت رٹ قائم کریں گے۔

اسلام آبادمیں فسطائیت اپنےعروج پرہے،عمران خان

نگراں وزیراعلیٰ پنجاب کا کہنا تھا کہ پولیس نے زمان پارک کو کلیئر کراکر ٹریفک رواں دواں کی، ہماری کوشش ہے ماحول خراب اور کوئی جانی نقصان نہ ہو۔ حکومت اور ریاست کی رٹ بہت ضروری ہے۔

ان کا کہنا تھا کہ اپنی پولیس فورس کے ساتھ کھڑاہوں، اب جو قانون توڑے گا اس کے ساتھ رعایت نہیں ہوگی، پولیس کو ہدایات دی ہیں جو قانونی کارروائی ہےوہ کریں۔ سیاسی معاملات چلائیں،اس طرح کی حرکتوں کی اجازت نہیں دیں گے۔

محسن نقوی کا کہنا تھا کہ عمران خان کارکنان سے کہتے ہیں پولیس کومارو، عمران خان دھمکیاں دینا چاہتے ہیں تو سیکیورٹی واپس کردیں، یہ نہیں ہوگا پولیس سیکیورٹی بھی دے اور گالیاں بھی کھائے، پولیس عمران خان کی گالیاں کھاکر سیکیورٹی نہیں دے سکتی۔