شمالی وزیرستان میں مقامی قبائل کے درمیان خونریزی کا خطرہ ٹل گیا
کریک ڈاؤن کے دوران دستی بم، راکٹ لانچر اور دیگر بھاری اسلحہ برآمد
خیبرپختونخوا کے ضلع شمالی وزیرستان میں انتظامیہ کی کارروائی کے باعث مقامی قبائل کے درمیان خونریزی کا خطرہ ٹل گیا۔
ضلعی انتظامیہ، پولیس اور سیکیورٹی فورسز نے شمالی وزیرستان کے علاقے مدی خیل اور ایپی قبائل کے خلاف بڑا کریک ڈاؤن کردیا۔
ڈپٹی کمشنر ریحان گل خٹک کا کہنا ہے کہ اراضی تنازع پر ایک دوسرے کے خلاف مورچہ زن اقوام کے مورچے مسمار کردیے گئے۔
مالی بحران کے باعث ٹیکسٹ بک بورڈ کتابوں کی چھپائی سے قاصر
بیان کے مطابق کارروائی کے دوران بڑی تعداد میں دستی بم، راکٹ لانچر اور دیگر بھاری اسلحہ برآمد کرلیا گیا جبکہ 19 افراد بھی گرفتار کرلئے گئے۔
ڈپٹی کمشنر ریحان گل خٹک کا کہنا ہے کہ قانون ہاتھ میں لینے والے عناصر کے خلاف آہنی ہاتھوں سے نمٹا جائے گا۔
Pakistan Army
kpk police
NORTH WAZIRISTAN OPERATION
