عمران خان کو ووٹ کی طاقت سے مائنس کیا جانا چاہیے،راناثنااللہ

زمان پارک نوگو ایریا بنا ہوا تھا جسے کلیئرکروادیا گیا ہے، وزیرداخلہ

وفاقی وزیرداخلہ راناثناء اللہ کا کہنا ہے کہ عمران خان ایک فتنہ ہے وہ ملک میں فساد چاہتاہے۔ ایسے شخص کو ووٹ کی طاقت سے مائنس کیا جانا چاہیے۔

سماء سے گفتگو میں راناثنااللہ کا کہنا تھا کہ زمان پارک نوگو ایریا بنا ہوا تھا جسے کلیئرکروادیا گیا ہے۔ آئی جی پنجاب تمام چیزیں قوم کے سامنے رکھیں گے۔

راناثنااللہ نے کہا کہ زمان پارک میں شرپسندوں کے خلاف کارروائی کی گئی، پولیس آج بھی غیرمسلح ہوکر زمان پارک گئی، زمان پارک میں پولیس پرفائرنگ کی گئی۔

وزیرداخلہ کا کہنا تھا کہ زمان پارک میں ایک بارتوہرچیزکلئیرہوگئی ہے، پولیس کا مقصد کسی شخص کونقصان پہنچانا نہیں تھا، مزید کہا کہ عمران خان مخالفین کے ساتھ بیٹھنے کو تیارنہیں، اسکا مائنڈسیٹ سامنے آگیا۔

دوسری جانب سے سماء سے گفتگو میں نگراں وزیراطلاعات پنجاب عامر میر کا کہنا تھا کہ عمران خان کی رہائشگاہ زمان پارک میں آپریشن تشدد واقعات میں ملوث افراد کیخلاف ہورہا ہے۔

پولیس کا زمان پارک میں آپریشن، اسلحہ برآمد

عامرمیر کا کہنا تھا کہ زمان پارک کے اندر سے پولیس پر فائرنگ کی گئی، پولیس پر حملے ہوئے، پٹرول بم پھینکے گئے تھے۔

نگراں وزیراطلاعات کا مزید کہنا تھا کہ پولیس پرحملوں کے باعث جس پر مقدمات ہوئے تھے، نوگوایریا ختم کیا جارہے، قانون کی عملداری کرائی جارہی ہے۔ ریاست کی رٹ قائم کرنے کےلیے آپریشن ہورہاہے۔

قبل ازیں پاکستان تحریک انصاف نے پنجاب پولیس کی جانب سے عمران خان کی رہائشگاہ زمان پارک آپریشن کیخلاف توہین عدالت درخواست دائر کرنے کا فیصلہ کرلیا ہے۔

توہین عدالت کی درخواست فواد چوہدری کی جانب سے دائر کی جائے گی اور اس سلسلے میں فواد چوہدری نے لیگل ٹیم کو درخواست کی تیاری کی ہدایت کر دی ہے۔

IMRAN KHAN

RANA SANAULLAH

ZAMAN PARK OPERATION

Tabool ads will show in this div