عالمی مارکیٹ میں خام تیل کی قیمتوں میں واضح کمی

عالمی مارکیٹ میں پیٹرولیم مصنوعات کی قیمتوں میں 6 فیصد کمی ہوگئی۔

عالمی میڈیا کے مطابق برینٹ کروڈ کی فی بیرل قیمت 77 ڈالر سے کم ہوکر 73 ڈالر جبکہ برطانوی وائٹ کروڈ کی قیمت 72 ڈالر سے کم ہو کر 67 ڈالر فی بیرل ہوگئی۔

عالمی منڈی میں پیٹرولیم مصنوعات کے علاوہ گیس کی قیمت میں ساڑھے 6 فیصد کمی ہوئی ہے جبکہ کوئلے کی قیمت میں بھی کمی ریکارڈ کی گئی ہے۔

حکومت نے پٹرولیم مصنوعات کی قیمتوں میں اضافہ کر دیا

خیال رہے کہ عالمی منڈی میں تیل کی قیمتوں میں کمی کے باوجود پاکستان میں پیٹرولیم مصنوعات کی قیمتوں میں مسلسل اضافہ ہو رہا ہے جس کی بنیادی وجہ آئی ایم ایف کی شرائط ہیں۔