صوبائی اسمبلی انتخابات؛ پی ٹی آئی کا آر اوز تقرری عدلیہ سے کرنے کا مطالبہ

پاکستان تحریک انصاف نے الیکشن کمیشن سے صوبائی اسمبلی کے انتخابات کے لئے ریٹرننگ آفیسر کی تقرری عدلیہ سے کرنے کا مطالبہ کردیا ہے۔

تحریک انصاف نے الیکشن کمیشن پنجاب کو خط لکھ کر ماتحت عدلیہ سے ریٹرننگ افسران کی تقرری کا مطالبہ کر دیا ہے۔

خطن میں کہا گیا ہے کہ نگراں حکومت نے جوڈیشل افسران کے بجائے ڈپٹی کمشنرز کوڈی آر او کے اختیارات دیے ہیں ، الیکشن ایکٹ2017 کے تحت آر اوز کی تقرری عدلیہ سے کی جائے۔

واضح رہے کہ گزشتہ ہفتے تحریک انصاف کے ایک وفد نے چیف الیکشن کمشنر سے بھی ملاقات کی تھی، جس میں ریٹرنگ افسران کی تقرری پر بات کی گئی تھی۔

چیف الیکشن کمشنر نے پی ٹی آئی وفد کو بتایا تھا کہ لاہور ہائی کورٹ نے ماتحت عدلیہ کی خدمات فراہم کرنے سے معذرت کرلی ہے۔ جس کی وجہ سے ریٹرننگ افسران انتظامیہ سے لئے جارہے ہیں۔