کراچی والوں پر ایک اور مہنگائی بم گرادیا گیا

حکومت نے کراچی والوں پر ایک اور مہنگائی بم گرادیا، وفاقی کابینہ نے کے الیکٹرک صارفین کیلئے بجلی مہنگی کرنے کی منظوری دیدی۔

ذرائع کے مطابق کے الیکٹرک صارفین کیلئے بجلی 4.76 روپے فی یونٹ مہنگی کردی گئی ہے۔

مزید جانیے: نیپرا نے کراچی سمیت ملک بھر کے صارفین پر بجلی گرادی

ذرائع کا کہنا ہے کہ وفاقی کابینہ نے کراچی کے بجلی صارفین کیلئے پہلی سہ ماہی ایڈجسٹمنٹ میں بجلی 3 روپے 21 پیسے فی یونٹ اضافہ جبکہ دوسری سہ ماہی ایڈجسٹمنٹ میں ایک روپیہ 55 پیسے مہنگی کرنے کی منظوری دی ہے۔

ذرائع کے مطابق کے الیکٹرک صارفین کیلئے بجلی کی قیمت میں اضافے کا فیصلہ ملک بھر میں یکساں ٹیرف کو برقرار رکھنے کیلئے کیا گیا ہے۔