عمران خان کی تقریر نشر کرنے پر پابندی کا حکم معطل

لاہور ہائی کورٹ نے سابق وزیر اعظم عمران خان کی تقریر نشر کرنے پر پابندی معطل کردی۔

سابق وزیر اعظم عمران خان نے 5 مارچ کو اپنی تقریر میں پاک فوج کے حاضر سروس افسران کے خلاف توہین آمیز زبان استعمال کی تھی۔ جس پر پاکستان الیکٹرونک میڈیا ریگولیٹری اتھارٹی (پیمرا) نے مران خان کی تقاریر اور بیانات نشر کرنے پر پابندی عائد کردی تھی۔

عمران خان کی تقاریر اور بیانات نشر کرنے پر پابندی عائد

6 مارچ کو عمران خان نے پیمرا کی جانب سے عائد پابندی کو لاہور ہائی کورٹ میں چیلنج کردیا تھا۔

حکومت صرف عمران خان کی گرفتاری میں لگی ہے

لاہور ہائی کورٹ کے جسٹس شمس محمود مرزا نے پیمرا کی جانب سے عائد پابندی کے خلاف درخواست پر سماعت کی۔

فریقین کے دلائل سننے کے بعد عدالت عالیہ نے عمران خان کی تقریر نشر کرنے پر پابندی کا پیمرا نوٹی فکیشن تاحکم ثانی معطل کردیا۔