ڈالر کو پھر پر لگے گئے، قدر 284 روپے تک جاپہنچی

شرح سود میں دوبارہ اضافے کی خبروں نے کرنسی مارکیٹ میں ڈالرکی قدر میں مزید اضافہ کردیا ہے۔

گزشتہ روز (بدھ 8 مارچ ) کو انٹر بینک میں ڈالر کی قدر ایک روپیہ 25 پیسے بڑھ کر 279 روپے 12 پیسے جب کہ اوپن مارکیٹ میں ڈالر 2 روپے مہنگا ہوکر 280 روپے کا ہوگیا تھا۔

پاکستان ڈیفالٹ نہیں کرے گا

روپے کی قدر میں گراوٹ کا سلسلہ جمعرات (9 مارچ) کو بھی جاری ہے، چند ہی گھنٹوں کے دوران ڈالر کی قدر 3 روپے 88 پیسے بڑھ کر 283.50 روپے پر آگئی۔

پیٹرولیم مصنوعات کی قیمتیں بڑھانے کا مطالبہ

کاروباری اوقات کار کے اختتام پر انٹر بینک میں ڈالر کی قدر 3 روپے 18 پیسے بڑھ کر 283 روپے 30 پیسے ہوگئی۔

دوسری جانب اوپن مارکیٹ میں بھیڈالر 4 روپے مہنگا ہوکر 284 روپے کا ہوگیا۔

کرنسی ڈیلرز کا کہنا ہے کہ آئی ایم ایف سے معاہدے میں تاخیر اور شرح سود میں مزید اضافے کی خبروں کی وجہ سے ڈالر کی خریداری کا رجحان ہے۔