لاہور ہائی کورٹ کا پی ٹی آئی رہنماؤں کو رہا کرنے کا حکم

لاہور ہائی کورٹ نے جیل بھرو تحریک کے تحت نظر بند پی ٹی آئی رہنماؤں کو رہا کرنے کا حکم دے دیا۔

عدالت نے پی ٹی آئی رہنماؤں کی نظربندی کے احکامات معطل کرتے ہوئے شاہ محمود قریشی، اسدعمر سمیت و دیگر گرفتار رہنماؤں کو رہا کرنے کا حکم دیدیا۔

عدالت نے اس ضمن میں حکومت پنجاب پنجاب سمیت دیگر متعلقہ فریقین سے 7 مارچ کو جواب بھی طلب کرلیا ہے۔ لاہور ہائیکورٹ کے جج جسٹس طارق سلیم شیخ نے یہ حکم پی ٹی آئی رہنما فواد چوہدری کی درخواست پر جاری کیا ہے۔

یاد رہے کہ گزشتہ دنوں پی ٹی آئی رہنما شاہ محمود اور اسد عمر سمیت دیگر رہنماؤں اور کارکنوں نے لاہور سے گرفتاری دینے کے بعد انہیں صوبے کی دوسری جیلوں میں منتقل کیا گیا تھا۔