کراچی والوں کیلیے بجلی 1 روپیہ 71 پیسے، دیگر علاقوں کیلئے 48 پیسے فی یونٹ مہنگی
بجلی کی قیمت میں اضافے ماہانہ فیول پرائس ایڈجسٹمنٹ کی مد میں کیا گیا
نیشنل الیکٹرک پاور ریگولیٹری اتھارٹی نے کے الیکٹرک صارفین کیلئے بجلی ایک روپیہ اکہتر پیسے فی یونٹ مہنگی کرنے کی منظوری دے دی۔
کے الیکٹرک نے جنوری کے لیے فیول ایڈجسٹمنٹ پرائس کی مد میں بجلی 2 روپے 69 پیسے مہنگی جب کہ سہہ ماہی ایڈجسٹمنٹ کی مد میں بجلی میں 7 روپے 36 پیسے فی یونٹ کمی کی درخواست کی تھی۔
نیپرا نے کراچی کے بجلی صارفین کے لئے جنوری کے فیول پرائس ایڈجسٹمنٹ کی مد میں ایک روپے 71 پیسے فی یونٹ مہنگی کرنے کی منظوری دے دی۔
دوسری جانب نیپرا نے سہہ ماہی ایڈجسٹمنٹ کی مد میں درخواست پر فیصلہ محفوظ کر لیا۔ ایف سی اے اور سہہ ماہی ایڈجسٹمنٹ پر تفصیلی فیصلہ بعد میں جاری کیا جائے گا۔
اس کے علاوہ نیپرا نے ملک کے دیگر علاقوں کے لئے بھی بجلی مہنگی کرنے کی درخواست پر سماعت کی اور 48 پیسے فی یونٹ اضافے کی منظوری دے دی ہے۔
K-Electric
K ELECTRIC BILLS
تبولا
Tabool ads will show in this div
