اسپیشل برانچ کے اہلکار پر تشدد، پی ٹی آئی کارکنوں کیخلاف مقدمہ درج

سابق وزیراعظم عمران خان کی لاہور ہائیکورٹ میں پیشی کے موقع پر اسپیشل برانچ کے اہلکار پر تشدد اور اسلحہ چھیننے کا الزام میں پی ٹی آئی کارکنوں کیخلاف مقدمہ درج کرلیا گیا۔

مقدمہ تھانہ ریس کورس میں اسپیشل برانچ کے اہلکار جہانزیب سہیل کی مدعیت میں ڈکیتی سمیت 6 دفعات کے تحت درج کیا گیا ہے۔

پی ٹی آئی کے 5 نامزد اور 15 نامعلوم کارکنوں کو ایف آئی آر میں نامزد کیا گیا ہے، مقدمے میں پی ٹی آئی 3 گن مینوں کو بھی نامزد کیا گیا ہے۔

مدعی مقدمہ کا مؤقف ہے کہ ریلی کے شرکاء نے حسان نیازی،احمد خان نیازی کی ایماء پر تشدد کیا۔ مسلح ملزمان نے سرکاری پستول اور گولیاں چھین لیں۔

خیال رہے کہ گزشتہ روز چیئرمین تحریک انصاف عمران خان کی ہائیکورٹ پیشی کے موقع پر پی ٹی آئی کے کارکنوں کی جانب سے ہنگامہ آرائی کی گئی تھی۔