سجل علی میں جادو ہے ، فیصل قریشی

معروف پاکستانی اداکار اور میزبان فیصل قریشی نے اعتراف کیا ہے کہ سجل علی ان کی پسندیدہ اداکارہ ہیں جس میں کسی قسم کا کوئی جادو ہے ۔

فیصل قریشی نے سماء کے پروگرام سپر اوور میں شرکت کی ۔ پروگرام میں مختلف سیگمنٹ کے زریعے ان سے کیرئر اور انڈسٹری کے حوالہ سے گفتگو کی گئی ۔

پروگرام کے سیگمنٹ سپروکٹ میں فیصل قریشی کو ان کے کیرئر کی اداکارائیں جن میں سامعہ ممتاز ، عائشہ خان ، آمنہ شیخ ، مدیحہ امام ، ثروت گیلانی ، اشنا شاہ ، سجل علی ، حبا بخاری اور اقرا عزیز کی تصویریں دکھا کر انہیں پوائنٹس دینے کا مطالبہ کیا گیا ۔

فیصل قریشی نے سبھی اداکاروں کو دیکھ کر ان کے ساتھ کیے گئے ڈراموں کو یاد کیا اور پھر اسی حوالہ سے انہیں نمبر دیے ۔

سیگمنٹ میں مختلف اداکاروں کی تصویروں کے درمیان سجل علی کی تصویر آنے پر فیصل قریشی نے مضحکہ خیز انداز میں شو سے جانے کا ہی کہ دیا جس پر انہیں روکا بھی گیا ۔

فیصل قریشی نے سجل علی کو 10 میں سے 9 پوائینٹس دیتے ہوئے کہا کہ میری پسندیدہ اداکارہ ہیں ۔

میزبان احمد بٹ کا کہنا تھا کہ انہوں نے چھوٹے سے کیرئر میں بین الاقوامی پروجیکٹ کرکے بڑا نام کمایا اور آپ دونوں کی کیمسڑی بھی کمال ہے ویسے ۔

جس پر فیصل نے اعتراف کرتے ہوئے کہا کہ ہاں بلکل ۔ ان کے ساتھ میں نے ایک ہی سیریل کیا ہے واقعی کوئی جادو ہیں ان کے اندر ۔