سونے کے دام میں 4300 روپے فی تولہ کی بڑی کمی

سونے کے دام میں ایک روز کے دوران 4300 روپے فی تولہ کی بڑی کمی ریکارڈ کی گئی ہے۔

منگل کے روز بین الاقوامی مارکیٹ میں سونے کے فی اونس دام ایک ڈالر کی کمی سے 1869 ڈالر ہوگئے۔

بین الاقوامی مارکیٹ کے برعکس مقامی صرافہ بازاروں میں سونے کے فی تولہ دام میں 4300 روپے اور 10 گرام سونے کے بھاؤ میں 3 ہزار 686 روپے کمی ہوئی۔

دام میں کمی کے بعد فی تولہ سونا 2 لاکھ روپے جب کہ 10 گرام سونے کے بھاؤ ایک لاکھ 71 ہزار 468 روپے ہوگیا۔

دوسری جانب چاندی کے دام 20 روپے گھٹ کر 2 ہزار 230 روپے فی تولہ ہوگئے۔