ویمن ٹی ٹوئنٹی ورلڈکپ،قومی کرکٹرز کا آفیشل فوٹوشوٹ

آئی سی سی ویمن ٹی ٹوئنٹی ورلڈکپ 2023 کیلئے پاکستان کی ویمن کرکٹر کے آفیشل فوٹو شوٹ کے موقع پر کھلاڑیوں نے مختلف انداز میں تصاویر بنوائیں۔

کھلاڑیوں نے کیمرے کے پیچھے ہلہ گلہ کیا اور دل دل پاکستان بھی گایا۔ آئی سی سی نے ویڈیو جاری کردی۔

یاد رہے کہ پاکستان ویمن کرکٹ ٹیم ٹوئنٹی ورلڈ کپ میں گروپ بی میں شامل ہے، پاکستان کے ساتھ گروپ بی میں انگلینڈ، بھارت، ویسٹ انڈیز اور آئرلینڈ کی ٹیمیں شامل ہیں۔پاکستان ٹیم اپنا پہلا میچ روایتی حریف بھارت کے خلاف کھیلے گی۔

آئی سی سی ویمنز ٹی ٹوئنٹی ورلڈ کپ 2023 میگا ایونٹ میں 10 خواتین ٹیمیں ٹائٹل کے حصول کے لئے پنجہ آزمائی کریں گی. خواتین ٹی 20ورلڈ کپ 10فروری سے جنوبی افریقہ میں ہو رہا ہے جبکہ فائنل میچ 26 فروری کو شیڈول ہے۔