عالمی مارکیٹ میں اضافہ اور پاکستان میں سونے کی قیمت میں کمی ہوگئی

عالمی مارکیٹ میں فی اونس سونے کی قیمت میں 5 ڈالر کا اضافہ اورپاکستان میں فی تولہ سونے کی قیمت میں 200 روپے کی معمولی کمی ہوئی۔

بین الاقوامی بلین مارکیٹ میں سونے کی فی اونس قیمت میں 5 ڈالر کا اضافہ ہوا اور عالمی مارکیٹ میں سونے کی فی اونس قیمت 1870 ڈالر کی سطح پر پہنچ گئی۔

دوسری جانب پاکستان میں کاروباری ہفتے کے پہلے روز سونے کی فی تولہ اور دس گرام قیمت میں بالترتیب 200 روپے اور 172 روپے کی معمولی کمی ہوئی اور کراچی، حیدرآباد، ملتان، لاہور، پشاور، کوئٹہ، اسلام آباد اور راولپنڈی کی صرافہ مارکیٹوں میں سونے کی فی تولہ قیمت 2 لاکھ 4 ہزار 300 روپے جب کہ دس گرام سونے کی قیمت ایک لاکھ 75 ہزار 154 روپے ہوگئی۔

اس کے برعکس مقامی صرافہ مارکیٹوں میں چاندی کی فی تولہ اور دس گرام قیمت بالترتیب 2250 روپے اور 1929 روپے پر مستحکم رہی۔