سونے کے بعد چاندی نے بھی ملکی تاریخ کے تمام ریکارڈ توڑ دیئے

عالمی مارکیٹ میں سونے کی فی اونس قیمت میں 44 ڈالر کی کمی ہوئی

عالمی مارکیٹ میں سونے کی فی اونس قیمت میں 44 ڈالر کی کمی جب کہ پاکستان میں فی تولہ سونا 1300 روپے مزید مہنگا ہوگیا۔

بین الاقوامی بلین مارکیٹ میں سونے کی فی اونس قیمت میں یکدم 44 ڈالر کی کمی ہوگئی، اور عالمی مارکیٹ میں فی اونس سونے کی قیمت 1911 ڈالر کی سطح پر آگئی۔

دوسری جانب پاکستان میں جمعے کے روز بھی سونے کی فی تولہ اور دس گرام قیمت میں بالترتیب 1300 روپے اور 1114 روپے کا اضافہ ہوگیا۔

قیمتوں میں اضافے کے نتیجے میں کراچی، حیدر آباد، ملتان، لاہور، اسلام آباد، راولپنڈی، فیصل آباد، پشاور اور کوئٹہ کی صرافہ مارکیٹوں میں سونے کی فی تولہ قیمت بڑھ کر 2 لاکھ 8 ہزار 500 روپے اور دس گرام سونے کی قیمت اضافے کے بعد ایک لاکھ 78 ہزار 755 روپے کی سطح پر پہنچ گئی۔

مقامی صرافہ مارکیٹوں میں سونے کے بعد چاندی کی نئی قیمت نے بھی ملکی تاریخ کے تمام سابقہ ریکارڈ توڑ دیئے، اور فی تولہ چاندی 50 روپے کے اضافے کے بعد 2350 روپے کی نئی بلند ترین سطح پر پہنچ گئی، جب کہ دس گرام چاندی 42 روپے 86 پیسے کے اضافے کے بعد 2014 روپے 74 پیسے پر پہنچ گئی۔

Gold rates

gold prices

TODAYS GOLD RATES

GOLD PRICE IN PAKISTAN

تبولا

Tabool ads will show in this div

تبولا

Tabool ads will show in this div