مبینہ بیٹی کو ظاہر نہ کرنے پر عمران خان کی نااہلی کی درخواست میں اہم پیش رفت

مبینہ بیٹی کو ظاہر نہ کرنے پر عمران خان کی نااہلی کی درخواست پر سماعت اب اسلام آباد ہائی کورٹ کا لاررجر بینچ کرے گا۔

چیف جسٹس اسلام آبادہائی کورٹ جسٹس عامر فاروق نے مبینہ بیٹی کو ظاہر نہ کرنے پر عمران خان کی نااہلی کی درخواست پر سماعت کی۔

دوران سماعت عمران خان کے وکیل نے نکتہ اٹھایا کہ آپ کی جانب سے 2018 میں کیس سننےسےمعذرت کی گئی تھی۔

چیف جسٹس نے عمران خان کے وکیل سے مکالمے کے دوان ریمارکس دیئے کہ آپ کی جانب سے بينچ پر اعتراض اٹھایا گیا ہے، جس پر عمران خان کے وکیل نے کہا کہ آپ بہترین جج ہیں ہم نےصرف کچھ معلومات سامنے رکھیں۔

جسٹس عامر فاروق نے ریمارکس دیئے کہ 2018 میں یہ کیس سننے سے معذرت ذاتی وجوہات پر نہیں کی تھی، اس وقت درخواستگزار نے کیس مخصوص بينچ کے سامنے لگانےکی استدعاکی۔ بہرحال آپ نے اعتراض اٹھایا تو بينچ کی تشکیل نو کر دیتے ہیں، ہم لارجر بینچ کے سامنے یہ معاملہ رکھیں گے۔

عدالت عالیہ نے کیس کی سماعت 9 فروری تک ملتوی کر دی گئی، کیس کی آئندہ سماعت لارجر بینچ کے روبرو ہوگی۔