پشاور زلمی بمقابلہ کوئٹہ گلیڈی ایٹرز؛ ٹیموں کے اسکواڈز کا اعلان

5 فروری کو پشاور زلمی اور کوئٹہ گلیڈی ایٹرز کے درمیان مقابلے کے لیے دونوں ٹیموں کے اسکواڈز کا اعلان کردیا گیا ہے۔

حکومت بلوچستان اور پاکستان کرکٹ بورڈ کی مشترکہ کوششوں سے 5 فروری کو پشاور زلمی اور کوئٹہ گلیڈی ایٹرز کے درمیان کوئٹہ کے اکبر بگٹی کرکٹ اسٹیڈیم میں میچ کھیلا جائے گا۔

میچ کے لیے دونوں ٹیموں کے اسکواڈ کا اعلان کردیا گیا ہے۔ اسکواڈز میں کوئی غیر ملکی کھلاڑی شامل نہیں۔

کوئٹہ گلیڈی ایٹرز

کوئٹہ گلیڈی ایٹرز کے ہیڈ کوچ معین خان اور منیجر اعظم ہوں گے جب کہ ٹیم کی قیادت سرفراز احمد کریں گے۔

ٹیم میں نسیم شاہ، محمد حسنین، خوش دل شاہ، عبدالواحد بنگلزئی، عمر اکمل، بسم اللہ خان، سعود شکیل، احسان علی، عمید آصف، عمیر بن یوسف، ایمل خان، افتخار احمد اور محمد نواز شامل ہوں گے۔

پشاور زلمی

5 فروری کو شیڈول مقابلے میں پشاور زلمی کے ہیڈ کوچ کامران اکمل ہوں گے جب کہ ٹیم کی قیادت بابر اعظم کریں گے۔

پشاور زلمی کے اسکواڈ میں حسیب اللہ خان، شاہد آفریدی، دانش عزیز، صفیان مقیم، محمد حارث، صائم ایوب، عثمان قادر، اعظم خان، حیدر علی، عامر جمال اور اسامہ میر شامل ہیں۔