پشاور زلمی اور کوئٹہ گلیڈی ایٹرز کے درمیان میچ کیلئے ٹکٹوں کی فروخت شروع

کوئٹہ میں پشاور زلمی اور کوئٹہ گلیڈی ایٹز کے درمیان نمائشی میچ کے لئے ٹکٹوں کی فروخت شروع ہو گئی۔

پشاور زلمی اور کوئٹہ گلیڈی ایٹرز کے درمیان 5 فروری کو کوئٹہ کے نواب اکبر بگٹی اسٹیڈیم میں نمائشی میچ کا انعقاد کیا جارہا ہے۔

ٹکٹوں کی قیمت 20 روپے سے 15000 روپے تک مقرر کی گئی ہے، ٹکٹوں کے حصول کے لیے نواب اکبر بگٹی اسٹیڈیم سمیت دیگر منتخب مقامات پر شائقین کی لائیں لگ گئیں۔

کوئٹہ گلیڈیٹرز کے مداح کہتے ہیں کہ وہ سرفراز احمد ، نسیم شاہ اور جیسن رائے کو اپنے میدانوں میں کھیلتا دیکھنے کے لئے بے چین ہیں۔

دوسری جانب پشاور زلمی کے مداحوں کا جوش بھی کچھ کم نہیں، وہ بھی بابر اعظم، محمد حارث اور حضرت اللہ زازئی کے جلوے دیکھنے کو بے قرار ہیں۔