اسلام آباد پولیس نے شیخ رشید سے ذاتی حیثیت میں کل شام تک جواب طلب کرلیا

سابق صدر آصف علی زرداری کیجانب سے سابق وزیراعظم عمران خان کے قتل کی سازش کئے جانے کے الزام پر شیخ رشید کو تھانہ آبپارہ میں پیش ہونے کیلئے بدھ شام 4 بجے تک کی آخری مہلت دی گئی ہے۔

ترجمان اسلام آباد پولیس کے مطابق عوامی مسلم لیگ کے سربراہ شیخ رشید احمد پولیس انکوائری میں تعاون نہیں کررہے، وہ اگر دی گئی آخری مہلت میں پیش نہ ہوئے تو پھر شیخ رشید کیخلاف قانونی کارروائی کی جائے گی۔

ترجمان وفاقی پولیس کا کہنا ہے شیخ رشید بالواسطہ پیغام میں آصف زرداری پر الزامات سے منحرف ہوگئے ہیں اور یہ مؤقف اختیار کیا ہے کہ انہوں نے آصف زرداری سے متعلق بات عمران خان کے بیان کی بنیاد پر کہی تھی۔