شاہد آفریدی نے نجم سیٹھی کے فیصلے کی مخالفت کردی

سابق چیف سلیکٹر شاہد آفریدی نے نجم سیٹھی کے فیصلے کی مخالفت کردی۔

شاہد آفریدی کا کہنا تھا کہ میرا نہیں خیال کہ مکی آرتھر پاکستان کی کوچنگ کیلئے واحد آپشن ہیں۔ ٹیم کی کوچنگ فل ٹائم جاب ہے۔ سمجھ نہیں آرہا مکی آرتھر آن لائن کھلاڑیوں کو کیا ڈائیریکشن دیں گے۔

سابق کپتان نے مزید کہا کہ جو ملک کے حالات ہے وہی پی سی بی کے ہیں۔ بورڈ میں کسی کو معلوم نہیں کیا کرنا ہے۔

شاہدآفریدی کا کہنا تھا کہ ڈل آرڈر مشکلات کاشکار ہو تو شعیب ملک بہترین انتخاب ہے، شعیب ملک تسلسل کے ساتھ پرفارم کرتاہے اور تجربہ کارہے۔ سلیکشن کمیٹی کوشعیب ملک سےبات کرنی چاہیے۔ ٹی20میں دوسرےلڑکوں کوچانس مل سکتاہےتوشعیب ملک کوبھی دیناچاہیے۔

ان کا کہنا تھا کہ انڈر19کرکٹ بہت بڑی ذمہ داری ہے،وہیں سےٹیلنٹ نکلے گا، انڈر19کرکٹ پرکام کرنےکی ضرورت ہے،شاہدخان آفریدی نے کہا کہ پی ایس ایل میں صرف پلیئرز نہیں ٹرینرز،فزیواورمنیجرزبھی ہیں، ہمیں باہرسے ٹرینرز، فزیو اور کوچز بلانے کی ضرورت نہیں۔