کامران اکمل پاکستان جونیئر ٹیم کے چیف سلیکٹر مقرر

پاکستان کرکٹ بورڈ نے وکٹ کیپر بیٹسمین کامران اکمل کو جونیئر ٹیم کا چیف سلیکٹر مقرر کردیا۔

پی سی بی نے کامران اکمل کی سربراہی میں 8 رکنی جونیئر سلیکشن کمیٹی کا اعلان کردیا، سلیکشن کمیٹی انڈر 19، انڈر 16 اور انڈر 13 کی ٹیموں کا انتخاب کرے گی۔

سلیکشن کمیٹی میں سہیل تنویر، عامر نذیر، تیمور خان، جنید خان، فیصل اطہر، قیصر عباس اور ثناء اللہ بلوچ بھی شامل ہیں۔

کامران اکمل نے 53 ٹیسٹ اور 157 ون ڈے انٹرنیشنل میچز میں قومی ٹیم کی نمائندگی کی ہے جبکہ 58 ٹی 20 انٹرنیشنل میچز بھی کھیلے ہیں۔