پاکستان کے خلاف جنگ کرنے والوں کو صفحہ ہستی سے مٹا دیں گے،وزیراعظم

ناحق شہریوں کا خون بہانے والوں کو عبرت کا نشان بنائیں گے، وزیراعظم

وزیراعظم شہبازشریف نے کہا ہے کہ پاکستان کے خلاف جنگ کرنے والوں کو صفحہ ہستی سے مٹا دیں گے، ناحق شہریوں کا خون بہانے والوں کو عبرت کا نشان بنائیں گے۔

پشاور کی پولیس لائنز مسجد میں خود کش دھماکے کی مذمت کرتے ہوئے وزیراعظم شہبازشریف نے شہداء کے درجات کی بلندی اور زخمیوں کی جلد صحت یابی کے لئے دعا کرتے ہوئے کہا اللہ کے حضور سربسجود مسلمانوں کا بہیمانہ قتل قرآن کی تعلیمات کے منافی ہے، اللہ کے گھر کو نشانہ بنانا ثبوت ہے کہ حملہ آوروں کا اسلام سے کوئی تعلق نہیں۔

وزیراعظم کا کہنا تھا کہ دہشت گرد پاکستان کا دفاع کرنے والوں کو نشانہ بنا کر خوف پیدا کرنا چاہتے ہیں، پاکستان کے خلاف جنگ کرنے والوں کو صفحہ ہستی سے مٹا دیں گے، ناحق شہریوں کا خون بہانے والوں کو عبرت کا نشان بنائیں گے۔

پشاور دھماکا کیسے کیا گیا

شہبازشریف نے کہا کہ دہشت گردی کے خاتمے کے لئے پوری قوم اور ادارے یکسو اور متحد ہیں، اور اپنے شہداء کو سلام عقیدت پیش کرتے ہیں۔

مزید پڑھیں؛ اسلام آباد کے اہم ناکوں اور عمارتوں پر اسنائپرز تعینات

وزیراعظم کا کہنا تھا کہ خیبرپختونخوا میں امن وامان کی بگڑتی صورتحال پر جامع حکمت عملی اپنائیں گے، انسداد دہشت گردی کی صلاحیت بڑھانے میں صوبوں سے تعاون کریں گے، اس حوالے سے وزیر داخلہ کو صوبوں کی مدد کرنے کا کہہ دیا ہے۔

pm shehbaz sharif

Tabool ads will show in this div