الکا یاگنک نے یوٹیوب پر بی ٹی ایس، ٹیلر سوئفٹ کو پیچھے چھوڑ دیا

سوشل پلیٹ فارم یوٹیوب نے سال 2022 کے سب سے زیادہ اسٹریم کیے جانے والے فنکاروں کی فہرست جاری کردی۔ فہرست میں بھارتی گلوکارہ Alka Yagnik سرفہرست جبکہ امریکی سانگ ریپر Bad Bunny عرف Puerto Rico نے دوسری پوزیشن حاصل کی۔

گنیز ورلڈ ریکارڈ کے مطابق الکا یاگنک نے 2022 میں کل 15.3 بلین یوٹیوب اسٹریمز حاصل کیے ہیں جوکہ قریباً 42 ملین یومیہ ہے۔ عالمی درجہ بندی میں ان اعداد و شمار کے مطابق الکا پہلے نمبر پر براجمان ہوئی ہیں۔

یوٹیوب کی جاری کردہ فہرست میں امریکی گلوکارہ نے بیڈ بنی عرف پورٹو ریکو کو بھی پیچھے چھوڑ دیا جنہوں نے 14.7 بلین اسٹریمز حاصل کیے۔

الکا گزشتہ تین سالوں سے یوٹیوب پر راج کرتی آئی ہیں۔ 2020 میں انہیں 16.6 بلین اسٹریمز ملے جبکہ 2021 میں انہوں نے 17.7 بلین اسٹریمز حاصل کیے۔

کورین مشہور موسیقی بینڈ بلیک پنک اوربی ٹی ایس چارٹ میں گلوکارہ کا مقابلہ نہ کرسکے۔ بی ٹی ایس نے 7.95 بلین اور بلیک پنک نے اور 7.03 بلین اسٹریمز حاصل کیے۔

اس کے علاوہ کینیڈین گلوکار دی ویک اینڈ 5.7 بلین اسٹریمز کے ساتھ 13ویں نمبر پر جبکہ امریکی گلوکارہ ٹیلر سوئفٹ 4.33 بلین اسٹریمز کے ساتھ 26 ویں پوزیشن پر رہیں۔

الکا یاگنک چار دہائیوں پر مشتمل کیریئر میں 20,000 سے زائد گانے گا چکی ہیں۔ وہ جنوری 2023 میں عالمی فنکاروں کی فہرست اور یوٹیوب میوزک چارٹس میں بھی سرفہرست رہ چکی ہیں۔