’’غریب کیسے زندہ رہے گا؟ ’‘، پیٹرولیم مصنوعات مہنگی ہونے پر سوشل میڈیا پر ردعمل

حکومت نے پیٹرولیم مصنوعات کی قیمتوں میں 35 روپے فی لیٹر تک اضافہ کردیا ہے جس پر سوشل میڈیا پر عوام اور اہم شکصٰات ردعمل کا اظہار کررہے ہیں۔

حکومت عام طور پر پیٹرولیم مصنوعات کی قیمتوں میں ردوبدل ہر ماہ کی یکم اور 16 تاریخ سے کرتی ہے لیکن وفاقی وزیر خزانہ اسحاق ڈار نے 29 جنوری کو یکدم پیٹرول اور ڈیزل 30 روپے جب کہ مٹی کا تیل 18 روپے فی لیٹر مہنگا کردیا۔

حکومت کی جانب سے پیٹرول بم گرائے جانے پر عوامی سطح پر رد عمل دیکھا جارہا ہے۔

سابق ایف بی آر چیئرمین سید شبر زیدی نے لکھا ’پیٹرولیم مصنوعات کی قیمتوں میں 35 روپے کا اضافہ، مہنگائی بڑھے گی۔ غریب کیسے زندہ رہے گا؟ غریب اور متوسط طبقے کی زندگی کے سادہ سے سوال پر یہ قوم اتنی بے حس کیوں ہے؟ جب یہ کرنا ہی تھا تو اتنی دیر کیوں؟‘’

عباسی نامی ٹوئٹر ہینڈل سے لکھا گیا کہ ’’خوشخبری، اسحاق ڈار نے پیٹرولیم مصنوعات سے متعلق سوشل میڈیا پر چلنے والی افواہوں کی تردید کردی۔ اور ساتھ ہی پیٹرول اور ڈیزل کی قیمت میں 35 روپے کے اضافے کا اعلان کر دیا۔‘‘

ردا نامی ٹوئٹر ہینڈل سے مریم نواز کی ایک پرانی ٹوئٹ شیئر کرکے لکھا گیا کہ پتہ کیجیے 35 روپے اضافے کے فیصلے میں نواز شریف کی مرضی شامل تھی یا وہ اس بار بھی اجلاس چھوڑ کر چلے گئے؟

تھنکر نے لکھا کہ پیٹرول اور ڈیزل 35 ،35 روپے فی لیٹر مہنگا ہوا ہے، اس کا حل صرف اور صرف ایندھن کا بائیکاٹ ہے۔