رانی ، ریکھا ، ایشوریا رائے کے بعد اب سجل علی امراو جان ادا کا کردار نبھائیں گی

امریکی انٹرٹینمنٹ میگزین کے مطابق ادب کے ناول امراو جان ادا پر مبنی سیریز کو ابوظہبی کی سیلبریٹی مینجمنٹ ایجنسی پروڈیوس کررہی ہے۔ جس میں امراو جان ادا کا کردار سجل علی ادا کریں گی۔

امراو جان ادا کے کلاسیکل کردار کو نبھائیں گی پاکستان کی نامور اور مقبول اداکارہ سجل علی ۔ سجل علی نے حال ہی میں شیکھر کپور کی ہدایات میں بننے والی ایک انٹرنیشنل فلم واٹس لوو گاٹ ٹو ڈو ود اٹ میں بھی مرکزی کردار ادا کر چکی ہیں۔ اس فلم کی دنیا کے مختلف ممالک میں نمائش کے لئے پیش کر دیا گیا تاہم پاکستان میں جمائمہ گولڈ اسمتھ اور سجل کی انٹرنیشنل فلم مارچ کے مہینے میں ریلیز کیے جانے کا امکان ہے ۔

امراو جان ادا سیریز کے پروڈیوسر حامد حسین نے اس ناول کو کے ٹائیٹل کو اپنی انسٹاگرام اسٹوری پر شیئر کرتے ہوئے۔ امریکی جریدے کی رپورٹ کو بھی شیئر کیا جس میں انہوں نے اپنے نئے پراجیکٹ کے بارے میں بتایا ۔

امریکی میگرین ورائٹی نے رپورٹ کیا ہے کہ اس سیریز کے پروڈیوسر حامد حسین کے مطابق ان کی سیریز ناول کے اصل اردو ورژن پر انحصار کرتی ہے ۔ان کا کہنا تھا کہ اس سیریز میں خواتین کے 2 اہم مرکزی کردار ہیں جن میں سے ایک سجل علی ادا کر رہی ہیں۔ حامد اے حسین کے مطابق امراو جان ادا کے اس ناول میں بہت کچھ ہے جو کبھی بھی کسی آڈیو ویژول پروجیکٹ میں نہیں دکھایا گیا، جو ان کی 8 حصوں پر مشتمل سیریز میں شامل کیا جائیگا ۔

امراو جان ادا کے کردار کو کن اداکاراؤں نے نبھایا ؟؟

پاکستان میں امراو جان ادا کے ناول پر مبنی کردار کو 1972 میں اداکارہ رانی نے ادا کیا ۔ اس فلم کی ہدایت ان کے ہی شوہر حسن طارق نے دی۔

کچھ ہی عرصے بعد یعنی 1981 میں بالی وڈ میں امراو جان ادا کے اس کردار کو ریکھا نے ادا کیا ۔ یہ فلم بھی بالی وڈ کی مقبول ترین فلموں میں شمار ہوئی ۔

2006 میں بالی وڈ بیوٹی ایشوریا رائے نے امراو جان ادا کا کردار ادا کیا اس فلم میں ان کے ساتھ ابھیشیک بھچن نے اسکرین شیئر کی۔

1958 میں دو بھارتی فلمیں بھی اس سے متاثر ہو کر بنائی گئیں تھیں، جن میں ایس ایم یوسف کی مہندی اور زندگی یا طوفان فلم شامل ہیں۔