مایا علی کا سوشل میڈیا پر نجی زندگی کی نمائش پر پیغام

پاکستانی شوبز انڈسٹری کی معروف اداکارہ Maya Ali کا کہنا ہے کہ سوشل پلیٹ فارمز پر نجی زندگی کی نمائش کی کوئی ضرورت نہیں کیونکہ یہ سوشل میڈیا ہے۔

حال ہی میں مایا علی نے سماء ڈیجیٹل کو انٹرویو دیا۔ جس میں ان سے مشہور شخصیات پر ٹرولنگ کے حوالے سے متعلق پوچھا گیا کہ وہ اس چیز کو کیسے دیکھتی ہیں؟ کیا محسوس کرتی ہیں؟۔

مایا علی نے جواب دیتے ہوئے کہا کہ شروع شروع میں انہیں یہ چیز بے حد محسوس ہوتی تھی، یہ چیز ذہن پر اثر انداز ہوتی ہے۔

ان کا کہنا ہے کہ لوگ یہ سمجھتے نہیں ہیں کہ عوامی شخصیت اور عوامی ملکیت ہونے میں بڑا فرق ہے، لوگ کسی بات پر اپنی رائے تو دے سکتے ہیں مگر اسے سرے سے غلط قرار نہیں دے سکتے۔

مایا علی نے مزید کہا کہ فیملی پر بات آئے تو ہر ایک کو بری لگتی ہے، اسی طرح ہماری فیملی کو برا بھلا کہے جانے پر ہمیں بھی برا لگتا ہے۔

اداکارہ کا کہنا ہے کہ عموماً جو لوگ برے تبصرے کرتے ہیں وہ توجہ کیلئے کرتے ہیں، انہیں یکسر نظر انداز کرنا چاہئے۔

مایا علی نے کہا کہ سوشل میڈیا کی ٹرولنگ کافی پریشان کن ہوتی جارہی ہے کیونکہ شادی سے طلاق تک ہر فیصلہ اس پر ہوتا دکھائی دیتا ہے، پھر عدالتوں کی کیا ضرورت اسی پر فیصلے سنا دیئے جائیں۔

انہوں نے لوگوں کو مشورہ دیا کہ سوشل میڈیا کو صرف اپنے کام اور اچھی چیزوں کیلئے رکھیں کیونکہ اگر آپ اپنی نجی زندگی سے متعلق ہر چھوٹی سے چھوٹی چیز شئیر کررہے ہیں تو پھر آپ خود دوسروں کو اپنی زندگی میں مداخلت کی اجازت دے رہے ہیں۔