ٹاپ 30 ایشین انٹرٹیمنٹ لسٹ میں 4 پاکستانی فنکار بھی شامل

برطانوی جریدے نے ٹاپ 30 ایشین انٹرٹینر کی فہرست جاری کردی، جس میں سجل علی سمیت 4 پاکستانی فنکار بھی شامل ہیں۔

برطانوی جریدے ایسٹرن آئی کی فہرست میں بالی ووڈ کی عالیہ بھٹ، ارمان ملک سمیت پاکستانی فنکار سجل علی، اذان سمیع خان، بلال عباس اور عاصم اظہر بھی شامل ہیں۔

برطانوی میگزین ایسٹرن آئی کی رپورٹ کے مطابق ایشیاء کی انٹرٹیمنٹ انڈسٹری میں اپنا نام کمانے والوں میں تیس سال سے کم عمر 4 پاکستانی فنکار بھی شامل ہیں۔

سجل علی

مشہور و معروف 29 سالہ پاکستانی اداکارہ سجل علی نے فلم، ڈرامہ اور میوزک ویڈیوز میں اپنی پرفارمنس اور پختہ اداکاری کی وجہ سے نام کمایا۔ حال ہی میں سجل علی نے جمائمہ گولڈ اسمتھ کی پروڈکشن میں بننے والی فلم میں بھی مرکزی کردار ادا کیا۔

سجل علی کی فلم What’s Love Got to Do with It? انٹرنیشنل پلیٹ فارم پر بھی اسکرین کی جائے گا۔

اذان سمیع خان

پاکستان کے 29 سالہ نوجوان گلوکار، موسیقار اور اداکار اذان سمیع خان نے اپنے ٹیلنٹ سے انٹرٹینمنٹ انڈسٹری میں ایک خاص جگہ بنائی ہوئی ہے۔

بلال عباس

بلال عباس جن کی اداکاری نے لوگوں کے دل جیت لئے ہیں۔ بلال نے انٹرٹینمنٹ انڈسٹری میں مختلف ڈراموں میں اداکاری کے جوہر دکھا کر لوگوں کو اپنی صلاحیتوں سے متاثر کیا ہے۔

عاصم اظہر

پاکستان کے نوجوان گلوکار عاصم اظہر میوزک کے افق پر ابھرتے ہوئے ستارے کی مانند ہیں، جنہوں نے ایک کے بعد ایک بہترین گانے اپنے فینز کو دیئے۔ 26 سالہ گلوکار کو ایسٹرن آئی میگزین نے ایشیاء کے ان 30 ستاروں کی فہرست میں شامل کیا ہے جنہوں نے کم عمری میں اپنے ٹیلینٹ سے بہت نام کمایا۔