مریم نواز کی وطن واپسی؛ ’’عمران خان ساری عمر رونے کی تیاری کریں‘‘

پاکستان مسلم لیگ نواز ( ن ) کی سینیر نائب صدر اور چیف آرگنائزر مریم نواز شریف ( Maryam Nawaz Sharif) پاکستان پہنچ گئیں ہیں۔

احساس ہے ملک میں مہنگائی ہے

لاہور ایئرپورٹ کے باہر کارکنوں سے خطاب کے دوران مریم نواز نے کہا کہ 18جوالائی 2017 کو اقامہ پر نواز شریف کو نکالنا بڑا سانحہ تھا، آنے والےدنوں میں نوازشریف واپس آئیں گے، آپ کا اورمیرامحبوب قائد جلد ہمارے درمیان ہوگا۔

مریم نواز نے کہا کہ وطن اورپارٹی سےوعدہ کرتی ہوں اپنی ذمہ داری نبھاؤں گی،ملک کومشکلات سےنکالنے تک چین سےنہیں بیٹھیں گے، جلد ہی ترقی کرتا پاکستان واپس آئے گا۔

عمران خان کو مخاطب کرتے ہوئے ن لیگ کی چیف آرگنائزر نے کہا کہ تم نواز شریف اور میں نے انتقام نہیں لیا، اللہ کے حساب کا نشانہ بنے ہو۔

مریم نواز نے کہا کہ مجھے اور نواز شریف کو احساس ہے کہ ملک میں مہنگائی ہے، عمران خان کی 4 سالہ نااہلی نے معیشت کو اس حال تک پہنچادیا، تباہ حال معیشت کی بہتری میں کچھ وقت لگےگا، اسحاق ڈار معیشت کو گرداب سے نکالیں گے۔

رہنما ن لیگ کا کہنا تھا کہ عمران خان چند روز قبل حکومت توڑی اور پھر خود رو بھی رہا ہے، وہ جن حکومتوں کے بل بوتے خرچہ چلاتا تھا وہ حکومتیں اپنے ہاتھ سے توڑیں، اب وہ ساری عمر رونےکی تیاری کرے، شیر الیکشن سے نہیں ڈرتے، پنجاب میں بھاری اکثریت سے جیتیں گے۔

پی کے 264

مریم نواز شریف ہفتے کی سہہ پہر پی آئی اے کی پرواز ’’پی کے 264‘‘ سے دبئی سے لاہور پہنچیں۔

پاک سر زمین شاد باد

دبئی سے لاہور ایئرپورٹ پپہنچنے پر مریم نواز نے اپنی اولین ٹوئٹ میں وطن سے محبت کا اظہار کیا۔

عمران خان کو سزا قانون فطرت سے ملے گی

طیارے میں سما سے خصوصی گفتگو کرتے ہوئے مریم نواز شریف نے کہا کہ ماضی کی طرف دیکھتے ہیں تو خوف آتا ہے کہ کس طرح انتقام کا نشانہ بنایا گیا، میں کسی کی سزا پر خوش نہیں ہوتی، عمران خان نے سیاسی مخالفین کے ساتھ جو کچھ کیا، اس کی سزا قانون فطرت سے ملے گی۔

چیف آرگنائزر بننے کے بعد سما کو پہلا انٹرویو دیتے ہوئے مریم نواز شریف نے کہا کہ شاہد خاقان کی پارٹی اور نواز شریف سے وابستگی پر کوئی سوال نہیں اٹھا سکتا، تاہم مفتاح اسماعیل سے متعلق گفتگو نہیں کرنا چاہتی، پارٹی پہاڑ کی مانند ہے، جو اس سے گرے گا وہ پتھر سے زیادہ نہیں ہوگا۔

انہوں نے یہ بھی کہا کہ عمران خان اور اس کے حواریوں کے ساتھ جو ہوگا، مکافات عمل کہلائے گا۔

لندن سے لاہور براستہ دبئی

مریم نواز جمعرات اور جمعے کی رات براستہ دبئی لندن سے لاہور کے لیے نکلیں تھیں ۔ جمعے کو انہوں نے دبئی میں قیام کیا اور ہفتے کو وہ پی آئی اے کی پرواز سے لاہور پہنچیں۔