ای سی سی نے چینی کی برآمد کیلئے نئی شرائط کی منظوری دیدی

اقتصادی رابطہ کمیٹی (ای سی سی) نے چینی کی برآمد کیلئے نئی شرائط کی منظوری دے دی۔

وفاقی وزیر خزانہ اسحاق ڈار کی زیر صدارت اقتصادی رابطہ کمیٹی کا اجلاس ہواک جس میں کہا گیا کہ گنے کے صوبائی کمشنرز نوٹیفکیشن جاری ہونے کے 7 روز میں کوٹہ مختص کریں گے۔

ای سی سی نے کہا کہ چینی برآمد کیلئے برآمدی بینکوں کے ذرائع سے پیشگی اور 60 روز میں چینی کی برآمد کی ایل سی کھلنے تک رقم وصول کی جائے گی۔

ای سی سی کا کہنا ہے کہ کوٹہ مختص ہونے کے بعد 45 روز میں چینی کی کھیپ بھیجنا لازمی ہوگی۔

رپورٹ کے مطابق اقتصادی رابطہ کمیٹی ڈھائی لاکھ میٹرک ٹن چینی کی برآمد کی پہلے ہی منظوری دے چکی ہے۔