سندھ میں اسکولوں کے اوقات کار تبدیل، نوٹیفکیشن جاری

محکمہ تعلیم سندھ نے سردی میں اضافے کی وجہ سے اسکولوں کے اوقات کار تبدیل کردیے۔

نوٹیفکیشن کے مطابق محمکہ تعلیم سندھ کے ماتحت ڈائریکٹوریٹ انسپکشن اینڈ رحسٹریشن پرائیویٹ سکول کی ایڈیشنل ڈائریکٹر رجسٹریشن رافیعہ جاوید نے حکم جاری کیا ہے کہ اسکول اسٹیئرنگ کمیٹی کے فیصلے کے تحت صبح ساڑھے 8 بجے کھولیں جائیں گے۔

نوٹیفکیشن کے مطابق اسٹیئرنگ کمیٹی کے فیصلے کے مطابق حکومت سندھ نے 7 اپریل 2022 اس حوالے سے نوٹی فکیشن جاری کیا تھا جس کے بعد اب صوبے میں شدید سردی کی لہر کی وجہ سے پرائیویٹ اسکولوں کو حکم دیا جاتا ہے کہ صبح 8:30 بجے سے اسکول کھولے جائیں۔

مذکورہ حکم نامہ 31 مارچ 2023 تک نافذ العمل رہے گا۔ اسکولوں کو فیصلے پر سختی سے عمل درآمد کی ہدایت کی گئی ہے۔