بطور سیاسی کارکن تحلیل شدہ اسمبلیوں میں الیکشن کے حق میں نہیں ہوں، سعدرفیق
دو اسمبلیوں کے الیکشن کروا دیئے گئے تو ملک میں خرابی ہو گی، سعد رفیق
وفاقی وزیر ہوابازی و ریلوے خواجہ سعد رفیق کا کہنا ہے کہ بطور سیاسی رہنما یا کارکن پنجاب اور کے پی میں الیکشن کے حق میں نہیں ہوں۔
لاہور کی احتساب عدالت کے باہر میڈیا سے بات کرتے ہوئے وفاقی وزیر خواجہ سعد رفیق کا کہنا تھا کہ آئندہ 3 ماہ میں 2 صوبوں میں الیکشن سے متعلق الیکشن کمیشن ہی بتا سکتا ہے۔
سعد رفیق کا کہنا تھا کہ خیبرپختون خوا اور پنجاب کی اسمبلی بغیر کسی وجہ اور غیر جمہوری طریقے سے تحلیل کی گئیں، اب تک اس اقدام کو چیلنج کر دیا جانا چاہیے تھا، یہ غیرقانونی کام ہوا ہے۔
وفاقی وزیر نے کہا کہ اگر دو اسمبلیوں کے الیکشن کروا دیئے گئے تو ملک میں خرابی ہو گی، میں بطورسیاسی رہنما کارکن الیکشن کے حق میں نہیں ہوں، الیکشن کروا کر دیکھا تھا 1970 میں کیا ہوا، سب کو اپنی پڑی ہوئی ہے پہلے ملک کو تو بچا لو، الیکشن ہو تو شفاف ہونا چاہیے۔
khawaja saad rafique
