کراچی میں قومی ویمن فٹبالر صاحبہ سردل کا گھر واپسی پر شاندار استقبال

ڈھول کی تھاپ پر روایتی رقص کرکے قوم کی بیٹی کو خوش آمدید کہا گیا

سعودی عرب میں چار ملکی ویمنز فٹبال ٹورنامنٹ میں شاندار کارکردگی دکھانے والی ٹیم میں شامل صاحبہ سردل کا گھر واپسی پر شاندار استقبال کیا گیا۔

چند روز قبل پاکستان کی ویمن فٹبال ٹیم نے کئی برسوں بعد بین الاقوامی ایونٹ میں حصہ لیا، سعودی عرب میں کھیلے گئے 4 ملکی ویمنز فٹ بال ٹورنامنٹ میں پاکستان نے خلاف توقع دوسری پوزیشن حاصل کی، جسے ناصرف پاکستان بلکہ بھرمیں سراہا گیا۔

قومی فٹ بال ٹیم میں شامل کراچی کے علاقے ماڑی پور سے تعلق رکھنے والی کھلاڑی صاحبہ سردل کی واپسی پر شانداراستقبال کیا گیا۔

اس موقع پر ڈھول کی تھاپ پر روایتی رقص کرکے قوم کی بیٹی کو خوش آمدید کہا گیا اور علاقہ مکین رقص کرکے خوشیاں مناتے رہے۔

صاحبہ سر دل کے اہل محلہ کا کہنا تھا کہ صاحبہ نے بین الاقوامی ایونٹ میں شرکت کرکے ناصرف انے خاندان بلکہ اپنے علاقے کا نام بھی روشن کیا ہے۔

واضح رہے کہ صاحبہ سردل کا گھر کراچی کے جس علاقے میں واقع ہے وہ لیاری سے متصل ہے اور لیاری کو فٹبال کا گڑھ کہا جاتا ہے، جہاں سے کئی کھلاڑیوں نے پاکستان کی نمائندگی کی ہے۔

WomensFootball

sahiba sherdil

Tabool ads will show in this div