’’ملک میں اہم سیاست شروع ہوگئی ہے‘‘

عوامی مسلم لیگ کے سربراہ اور سابق وفاقی وزیر شیخ رشید احمد کا کہنا ہے کہ ملک میں اہم سیاست شروع ہوگئی ہے۔

اپنی ٹوئٹ میں شیخ رشید کا کہنا تھا کہ الیکشن ناگزیر ہیں، سیاسی بکرے کی ماں کب تک الیکشن سے بھاگے گی، یہ جتنی دیر کریں گے اپنی سیاست ڈھیر کریں گے، اب نواز شریف کو بلائیں اور اس کا بھی سیاسی کام تمام کرائیں۔

سابق وفاقی وزیر نے کہا پی ڈی ایم الیکشن سے فراری ہے تو پھر ملک میں وہ کیا چاہتی ہے۔ملک میں اہم سیاست شروع ہوگئی ہے۔

شیخ رشید احمد کا کہنا تھا کہ 15 جنوری سے 15 اپریل اہم ہیں، 100 دن میں انتخابی شیڈول آئے گا، پنجاب کے بعد خیبر پختونخوا اسمبلی تحلیل ہوگی، پھرسندھ اسمبلی سے ممبر واپس اور قومی اسمبلی سے استعفے منظور کرائیں گے۔بلدیاتی شعبدہ بازی کام نہیں آئے گی۔

سربراہ عوامی مسلم لیگ کا کہنا تھا کہ معاشی سلامتی ملکی سلامتی اقتصادی سلامتی اور قومی سلامتی سب خطرے میں پڑ گئے ہیں، بینکوں کے لٹنے کے خوف سے سیکیورٹی بڑھادی گئی ہے۔