رات پنجاب اسمبلی کی تاریخ کا بدترین واقعہ ہوا،حمزہ شہباز

پاکستان مسلم لیگ نواز (ن) کے رہنما حمزہ شہباز کا کہنا ہے کہ رات کے اندھیرے میں اسمبلی قواعد اور آئین پر شب خون مارا گیا۔

وزیراعلیٰ پنجاب کے اعتماد کے ووٹ پر اپوزیشن لیڈر پنجاب اسمبلی حمزہ شہباز نے کہا کہ رات پنجاب اسمبلی کی تاریخ کا بدترین واقعہ ہوا، جھرلو اور ہیرا پھیری کرکے اعتماد کے ووٹ کا تقدس پامال کیا گیا ہے۔

انہوں نے کہا کہ پولنگ ایجنٹ مقرر نہ کرکے حکومت نے اپنی بدنیتی اور بد دیانتی ثابت کر دی ہے، رات کے اندھیرے میں اسمبلی قواعد اور آئین پر شب خون مارا گیا۔

اپوزیشن لیڈر پنجاب نے یہ بھی کہا کہ دھوکے سے اسمبلی کارروائی شروع کرکے جعلی گنتی کی گئی، اس بدترین دھاندلی کے خلاف آئینی اور قانونی آپشن استعمال کئے جائیں گے۔