ڈونلڈ ٹرمپ کی کوششوں سے ری پبلکن اُمیدوار ایوانِ نمائندگان کا اسپیکر منتخب

سابق امریکی صدر دونلڈ ٹرمپکی کوششوں سے ان کی جماعت کا امیدوار ایوان نمائندگان کا اسپیکر منتخب ہوگیا ہے۔

امریکی ایوان نمائندگان (کانگریس) میں ووٹنگ کے 15 راؤنڈز اور پانچ روز کی تگ و دو کے بعد بالآخر ری پبلکن ہارٹی کے امیدوار کیون میکارتھی اسپیکر منتخب ہو گئے ہیں۔

امریکی ایوان نمائندگان میں دونلڈ ٹرمپ کی پارٹی (ری پبلکن پارٹی) کو سادہ اکثرت حاصل ہے، 435 کے ایوان میں ری پبلکنز کے 222، ڈیمو کریٹس کے 212 اراکین ہیں جب کہ ایک نشست خالی ہے۔

اسپیکر کا انتخاب جیتنے کے لیے اُمیدوار کو 218 اراکین کی حمایت درکار تھی لیکن پارٹی کے کئی ارکان اپنے ہی امیدوار سے ناراض تھے ، جس کی وجہ سے اسپیکر کے انتخابات کے 14 مرتبہ رائے شماری نتیجہ خیز ثابت نہ ہوسکی۔

ہفتے کے روز 15ویں مرتبہ رائے شماری کرای گئی اور اس مرتبہ ری پبلکن پارٹی کے امیدوار کیون میکارتھی اسپیکر منتخب ہوگئے۔

کیون میکارتھی کے حق میں ناراض ارکان کو منانے میں سب سے اہم کردار سابق امریکی صدر ڈونلڈ ٹرمپ نے ادا کیا۔

امریکی میڈیا کے مطابق اسپیکر کے انتخاب تک ایوان نمائندگان کے نومنتخب ارکان حلف نہیں اٹھاسکتے۔

امریکا میں اسپیکر کے انتخاب کے لئے رائے شماری کے مراحل نئی بات نہیں لیکن ایسا ایک صدی بعد ہوا ہے۔

اس سے قبل آخری مرتبہ امریکا کے ایوانِ نمائندگان میں اسپیکر کے انتخاب کے لیے ایک سے زائد بار ووٹنگ کی نوبت 1923 میں پیش آئی تھی۔

اسپیکر کا طویل ترین الیکشن 1855 میں ہوا تھا، اس وقت رائے شماری کے 133 مراحل ہوئے تھے اور 2 ماہ تک اسپیکر ہی منتخب نہیں کیا جاسکا تھا۔