پرویز الٰہی عوامی نہیں عدالتی وزیراعلیٰ ہیں، رانا مشہود

مسلم لیگ ن کے رہنماء رانا مشہود کا کہنا ہے کہ پرویز الٰہی عوامی نہیں عدالتی وزیراعلیٰ ہیں، دعویٰ کیا کہ پی ٹی آئی کوئی بھی اسمبلی تحلیل نہیں کریگی۔

مسلم لیگ ن کے رہنماء اور سابق صوبائی وزیر رانا مشہود نے سماء کے پروگرام میرے سوال میں گفتگو کرتے ہوئے دعویٰ کیا ہے کہ پاکستان تحریک انصاف کوئی بھی اسمبلی تحلیل نہیں کرے گی، اسمبلی تحلیل کرنا ہوتی تو پہلے کے پی اسمبلی کرتے۔

لیگی رہنماء کا کہنا ہے کہ پرویز الٰہی آئینی و قانونی طور پر وزیراعلیٰ نہیں، پرویز الہٰی اس وقت عوامی نہیں، عدالتی وزیراعلیٰ ہیں۔

ران مشہود نے عدالتی فیصلے پر اعتراض کرتے ہوئے کہا کہ عدالتوں کا کام پنچایتیں کرانا نہیں آئین کی تشریح کرنا ہے، ہم 11 جنوری کو عدالت سے پوچھیں گے کی کس قانون کے تحت انہیں وقت دیا گیا۔