روس کا یوکرین میں 36 گھنٹے کی فائر بندی کا اعلان

روس نے یوکرین میں 36 گھنٹے کی عارضی فائربندی کا اعلان کردیا۔

ولادمیر پیوٹن نے چھ جنوری کو چھستیں گھنٹے تک فائربندی کا حکم دیا ہے، اقوام متحدہ نے روس کے فیصلے کا خیرمقدم کیا ہے جبکہ یوکرین نے اسے چال قرار دے کر مسترد کردیا۔

اقوام متحدہ کے سیکرٹری جنرل انتونیو گوتریس نے کہا کہ یہ عمل اقوام متحدہ کے چارٹر اور بین الاقوامی قانون کے مطابق امن کی جگہ نہیں لے سکتا۔

یوکرینی صدرزیلنسکی نے آرتھوڈوکس کرسمس پرسیزفائرپیشکش رد کرتے ہوئے کہا کہ پیوٹن جنگی سازوسامان اورفوجیوں کو ہماری پوزیشنوں کے قریب لانا چاہتا ہے، روس کی جنگ بندی ایک چال ہے تاکہ ڈونبس میں پیش قدمی روک سکیں۔

امریکی صدربائیڈن نے کہا ہے کہ روسی صدر پیوٹن سکون کا سانس لینا چاہتے ہیں، اس وقت یوکرین جنگ نازک موڑ پرہے، روسی جارحیت کے خلاف یوکرین کی ہرممکن مدد کرنا ہوگی۔