پی آئی اے پر یورپ میں عائد پابندی ختم ہونے کا امکانات روشن
یورپی یونین ایوی ایشن کی ٹیم آڈٹ کے بعد پاکستان کا دورہ کرے گی
پی آئی اے پر یورپ میں عائد پابندی ختم ہونے کا امکانات روشن ہوگئے۔
برطانیہ سمیت یورپی ممالک میں قومی ایئرلائن پی آئی اے کی پروازوں پر پابندی کے حوالے سے خوشخبری ہے کہ پی آئی اے پر یورپ میں عائد پابندی ختم ہونے کے امکانات روشن ہوگئے ہیں۔
پی آئی اے کی پروازوں کی یورپ میں بحالی کے معاملے پر اہم پیشرفت سامنے آئی ہے۔ اور ذرائع کا کہنا ہے کہ یورپی یونین ایوی ایشن سیفٹی ایجنسی (ایاسا) کی جانب سے پی آئی اے کے آڈٹ کا فیصلہ کیا گیا ہے، اور ایاسا 7 مارچ 2023 سے آن لائن ریموٹ آڈٹ کرے گی۔
ذرائع کا کہنا ہے کہ کامیاب آڈٹ کے بعد ’’ایاسا‘‘ کی ٹیم پاکستان کا دورہ کرے گی۔
دوسری جانب ترجمان پی آئی اے کا کہنا ہے کہ پی آئی اے نے آن لائن آڈٹ سے متعلق اپنی تیاریاں مکمل کرلی ہیں، کامیاب آڈٹ کے بعد یورپ آپریشن کی راہیں ہموار ہو جائیں گی۔
PIA
تبولا
Tabool ads will show in this div
