قومی ایئرلائن کے بیڑے میں نئے طیارے کا اضافہ

قومی ایئرلائن (پی آئی اے) کے فضائی بیڑے میں نئے طیارے کا اضافہ ہوگیا، ایئر بیس 320 ابوظہبی سے اسلام آباد پہنچ گیا۔

قومی ایئر لائن کے ترجمان کے مطابق پی آئی اے کے بیڑے میں مزید ایک ایئر بس 320 طیارہ شامل کیا گیا ہے، جس کے بعد رواں سال بیڑے میں شامل ہونیوالا اے 320 کا یہ چوتھا طیارہ ہے۔

رپورٹ کے مطابق اس جہاز کی شمولیت سے پی آئی اے کے بیڑے میں اے 320 ساختہ طیاروں کی تعداد 14 ہوگئی۔

ترجمان کا کہنا ہے کہ بہتر كیبن کے حامل جدید طیارے کی پی آئی اے میں شمولیت سے مسافروں کو مزید بہتر سفری سہولیات میسر ہوں گی۔