’’راجا‘‘ کا تخت اُلٹنے کا امکان؛ نجم سیھٹی کودوبارہ چیئرمین پی سی بی بنانے کا عندیہ

وزیراعظم شہباز شریف نے نجم سیٹھی کو رمیز راجا کی جگہ پاکستان کرکٹ بورڈ کا دوبارہ چیئرمین بنانے کا عندیہ دے دیا ہے۔

لاہور میں نجم سیٹھی کی وزیراعظم شہباز شریف سے ملاقات ہوئی ہے۔ اس موقع پر نجم سیٹھی کی اہلیہ اور رکن پنجاب اسمبلی جگنو محسن بھی موجود تھیں۔

شہباز شریف نے نجم سیٹھی کو دوبارہ چیرمین پی سی بی بنانے کاعندیہ دے دیا۔

پاکستان کرکٹ بورڈ کا 2014 کا آٸین بحال کرنے کا اصولی فیصلہ بھی کرلیا گیا ہے، آئین میں تبدیلی ڈیپارٹمنٹل کرکٹ کی بحالی کے لیے کی جارہی ہے، اس حوالے سے وزارت بین الصوباٸی رابطہ کو کرکٹ بورڈ کا پرانا آٸین بحال کرنے کا ٹاسک مل گیا ہے۔

عمران خان کے دور میں کرکٹ بورڈ کا نیا آٸین منظور کیا گیا تھا، پی سی بی نے نئے آٸین کے تحت ڈیپارٹمنٹل فرسٹ کلاس کرکٹ ختم کر دی تھی۔