ارشد شریف قتل کیس کی تحقیقات کےلیے جے آئی ٹی بنانے کا فیصلہ

ڈی آئی جی ہیڈ کوارٹرز، ایس پی صدر اور ایس ایچ او شامل ہوں گے،ذرائع

سینئر صحافی ارشد شریف کے قتل کی تحقیقات کےلئے وفاقی پولیس نے جے آئی ٹی بنانے کا فیصلہ کرلیا۔

ذرائع کے مطابق جے آئی ٹی میں ڈی آئی جی ہیڈ کوارٹرز، ایس پی صدر اور ایس ایچ او شامل ہوں گے جبکہ حساس ادارے کے افسران بھی شامل ہوں گے۔

اس سے قبل سپریم کورٹ کے حکم پر صحافی ارشد شریف کے قتل کا مقدمہ اسلام آباد کے تھانہ رمنا میں درج کرلیا گیا، جس میں تین ملزمان کو نامزد کیا گیا ہے۔

سپریم کورٹ آف پاکستان نے ارشد شریف کے کینیا میں قتل کا از خود نوٹس لیتے ہوئے حکومت کو آج ہی مقدمہ درج کرنے کا حکم دیا تھا۔

اسلام آباد کے تھانہ رمنا میں پولیس کی مدعیت میں صحافی ارشد شریف کے قتل کا مقدمہ درج کیا گیا، جس میں 3 ملزمان وقار احمد، خرم احمد اور طارق وصی کو نامزد کیا گیا ہے۔

islamabad police

ARSHAD SHARIF

Tabool ads will show in this div