رائٹ ہینڈ بیٹسمین جو روٹ کی بائیں ہاتھ سے بیٹنگ، سب کو حیران کردیا

انگلینڈ کے دائیں ہاتھ سے بیٹنگ کرنے والے بیٹسمین جو روٹ (JOE ROOT) نے پاکستان کے خلاف ٹیسٹ میچ میں بائیں ہاتھ سے بیٹنگ کرکے سب کو حیران کردیا۔

جو روٹ نے پنڈی ٹیسٹ کے چوتھے روز پاکستانی اسپنر زاہد محمود کے چھٹے اوور کی پہلی دو گیندیں لیفٹ ہینڈ سے کھیلیں۔

جو روٹ نے پہلی گیند کو اسکوئر لیگ کی جانب کھیلا جس پر کوئی رن حاصل نہیں ہوا جبکہ دوسرا شاٹ پر وہ اسکوائر لیگ کی جانب نسیم شاہ کے ہاتھوں کیچ آؤٹ ہونے سے بچے اور ایک رن حاصل کیا۔

جس کے بعد جو روٹ نے اپنا فیصلہ تبدیل کرتے ہوئے اپنی بقیہ اننگز معمول کی طرح دائیں ہاتھ سے کھیلی، جو روٹ اسپنر زاہد محمود کے اوور میں ہی 73 رنز بنا کر امام الحق کے ہاتھوں کیچ آؤٹ ہوئے۔