چین سے خریدی گئیں جدید ٹرین کوچز کراچی پہنچا دی گئیں

اکانومی پارلر کار اور اے سی اسٹینڈرڈ کوچز شامل

China se 46 modern train coach Karachi pouch gaye | SAMAA TV | 27th November 2022

پاکستان ریلوے کیلئے چین سے خریدی گئیں جدید چھیالیس کوچز بذریعہ جہاز کراچی پہنچا دی گئی ہیں۔ جو جلد ٹریکس پر دوڑتی نظر آئیں گی۔

جدید ٹرین کوچز کی کراچی آمد کے موقع پر تقریب کا بھی اہتمام کیا گیا جس میں ریلوے حکام اور چین کے پروجیکٹ ڈائریکٹرز نے شرکت کی۔

ان نئی جدید کوچز میں اکانومی پارلر کار اور اے سی اسٹینڈرڈ کوچز شامل ہیں۔ اس موقع پر میڈیا سے گفتگو کرتے ہوئے اسسٹنٹ جنرل منیجر شاہد عزیز نے بتایا کہ کوچز جدید سہولیات سے آراستہ ہیں۔

رپورٹ کے مطابق ان نئی جدید کوچز میں آرام دہ نشستوں کے ساتھ کال بیل اور موبائل فون چارج کی سہولت بھی موجود ہے، تاہم ڈی ایس ریلوے کاشف یوسفانی نے مسافروں سے اپیل کرتے ہوئے کہا ہے کہ دوران سفر کوچز کو احتیاط سے استعمال کریں۔

ریلوے حکام کے مطابق پاکستان ریلوے کیلئے ایک سو چوراسی کوچز پاکستان میں تیار کی جائیں گی جن کے پرزے چین سے منگوائے جائیں گے۔

PAKISTAN RAILWAYS

KARACHI TRAIN SERVICE

TRAIN COACHES FROM CHINA

Abdul hameed Nov 30, 2022 07:39pm
عوام کیلۓ حکومت کی یہ بہت اچھی کاوش ہے مگر عوام کو بھی چاہیۓ کہ اس سہولت سے فائدہ اٹھاتے ہوۓ ساتھ اس کی حفاظت بھی کرے
Tabool ads will show in this div