ہوشاب میں سیکیورٹی فورسز کا بڑا آپریشن، 10دہشت گرد ہلاک

ہلاک دہشت گردوں کا تعلق کالعدم تنظیم سے ہے، آئی ایس پی آر

بلوچستان کے علاقے ہوشاب میں سیکیورٹی فورسز کے آپریشن میں 10 دہشت گرد ہلاک ہوگئے۔

پاک فوج کے شعبہ تعلقات عامہ (آئی ایس پی آر) کے مطابق آپریشن کے دوران دہشتگردوں کے ساتھ فائرنگ کے تبادلے میں 10 دہشت گرد ہلاک جبکہ دو فرار ہوگئے۔

ترجمان پاک فوج کے مطابق خفیہ اطلاعات پر کی گئی کامیاب کارروائی میں ایک دہشت گرد کو گرفتار کرلیا گیا جبکہ فرار دہشت گرد کی تلاش کےلیے آپریشن جاری ہے۔

آئی ایس پی آر کے مطابق ہلاک دہشت گردوں کا تعلق کالعدم تنظیم سے ہے جو کہ سیکیورٹی فورسز اور ترقیاتی منصوبوں پر حملوں میں ملوث تھے۔

ترجمان کے مطابق مارے گئے دہشت گردوں کے قبضے سے بھاری مقدار میں اسلحہ و گولہ بارود برآمد کرلیا ہے۔

بلوچستان

DG ISPR

terrorist killed

Tabool ads will show in this div